پاکستان ٹیلی ویژن لاہور میں ہیڈ آف کرنٹ افئیرزملک شکیل اعوان کے اعزاز میں تقریب

لاہور (پ ر)پاکستان ٹیلی ویژن لاہور سنٹر میں ہیڈ آف کرنٹ افئیرز ملک شکیل اعوان کے اعزاز میں تقریب کا انعقاد کیا گیا۔گزشتہ دنوں ملک شکیل اعوان نے پی ٹی لاہور سنٹر پر بطور ہیڈ آف کرنٹ افئیرز کا چارج سنبھال لیا۔ملک شکیل اعوان کے اعزا ز میں اینکر پرسن ڈاکٹر محمود قریشی نے تقریب کا خصوصی اہتمام کیا۔اس موقع پر پی ٹی وی لاہور سٹیشن کے جنرل منیجر سیف الدین نے کہا کہ ہمیں نہ صرف پروگرام کے شعبے میں بہتری لانے کی ضرورت ہے بلکہ کرنٹ افئیرز کے شعبہ کو بھی بہتر سے بہتر بنانا ہے۔ ملک شکیل اعوان ایک قابل اور محنتی انسان ہیں۔تقریب میں پی ٹی وی کے جنرل منیجر سیف الدین نے بطو ر مہمان خصوصی شرکت کی۔اس کے علاوہ پروگرام منیجر قیصر شریف ،پی ٹی وی یونین کے صدر راحیل آصف ،امجد علی شاہ سینر ایڈیٹر پی ٹی وی نیوز ، محمد امین فنانس مینیجر یونین لیڈر جہانگیر خاں،ڈپٹی کنٹرولر ریڈیو پاکستان ڈاکٹر حسن فاروقی،شاہد امین اور ڈاکٹر سعید احمد ایڈوکیٹ کے علاوہ کرنٹ افیر کے پروڈوسرز نے بھرپور شرکت کی۔