آل پاکستان اوپن ٹینس چیمپئن شپ کا آغاز‘ متعدد میچوں کا فیصلہ

لاہور(سپورٹس رپورٹر)چوتھا نیزا آل پاکستان اوپن ٹینس چیمپئن شپ 2019ء کی افتتاحی تقریب ہوئی، افتتاحی تقریب کے مہمان خصو صی سیکرٹری پنجاب لان ٹینس ایسوسی ایشن رشید ملک تھے۔ مینز سنگلز کے پری کوارٹرفائنلز میں عقیل خان نے ایاز خان کو، مزمل مرتضیٰ نے فیضان فیاض کو، محمد عابد نے احمد بابر کو، مدثر مرتضیٰ نے احمد کامل کو، ہیرا عاشق نے ثاقب حیات کو، شہزاد خان نے ابراہم عمر کو، احمد چودھری نے اعجاز خان کو ہرا دیا۔ لیڈیز سنگل پری کوارٹرفائنلز میں سارہ محبوب نے ملیحہ خالد کو، اوشنا سہیل نے زنیرا طارق کو، ایشا جواد نے زہرا سلمان کو، مریم مرزا نے مریم شاہد کو، شمرہ دراب نے خدیجہ شفیق کو، نور ملک نے استفیلہ عارف کو ہرا دیا۔ انڈر 18 بوائز فرسٹ رائونڈ میں اشیش کمار نے احتشا م عارف کو، کامران خان نے زین غفور کو، سیف العزیز نے انعام عارف کو، افہام رانا نے موسیٰ ہارون کو، عبدالحنان خان نے یحییٰ موسیٰ کو، پربت کمار نے احمد عدنان کو، شاہیل دراب نے کاشان عمر کو ہرا دیا۔ سینئرز35 پلس میں طلحہ وحید اور عقیل خان نے رانا ہمایوں اور زوہیب رضا کو، اسرار اور شاہد آفریدی نے حادی حسین اور حیدر علی خان کو، شہریارسلامت اور علی اسد نے عاشر علی خان اورفیاض خان کو ہرا دیا۔ انڈر 12 بوائز کے پہلے رائونڈ میں حسنین علی رضوان، تیمور خان، اسد زمان، حارم رسول، زیرک مصطفی، امیر مزاری، حیدر علی رضوان، عمر جواد اور عبداللہ سجاد واہلہ کامیاب رہے۔