لاہور ( پ ر) فارمن کرسچن کالج (چارٹرڈ یونیورسٹی) تعلیمی سال 2019-20 ء کے دوران 1,642 مستحق طلباء کومبلغ 18 کروڑ 65 لاکھ روپے تک کے سکالر شپ فراہم کر چکا ہے ۔یہ سکالر شپ ایف سی سی یو کے فنانشل ایڈ پروگرام کے تحت فراہم کئے گئے ۔اس کے علاوہ موجودہ کرونا کی وبا کے پیش نظر مالی مشکلات کے شکار طلباء اور والدین کو ریلیف دینے کیلئے یونیورسٹی کی جانب سے مبلغ  20 ملین روپے کا کرونا ریلیف سکالرشپ فنڈ کا قیام عمل میںلایا گیا ہے جو مالی مشکلات کے شکا طلباء کی تعلیم و تربیت کو جاری رکھنے کیلئے مددگار ثابت ہوگا اور یونیورسٹی کی جانب سے یہ مالی اعانت مساوی بنیادوں پر فراہم کی جائیگی ۔ ایف سی سی یو اس نوعیت کے تمام سکالرشپ پروگراموں کیلئے ایلیومنی اور دوست احباب کے عطیات اور تحائف وغیرہ پر ہی انحصار کرتا ہے ۔