اسلام آباد: پاکستان میں تعینات جرمن سفیر برن ہارڈ شلگہیک کی نیول ہیڈکوارٹرز اسلام آباد میں چیف آف دی نیول اسٹاف ایڈمرل محمد امجد خان نیازی سے ملاقات۔ ترجمان پاک بحریہ کے مطابق نیول چیف اور معزز مہمان نے میری ٹائم سیکیورٹی صورتحال اور دوطرفہ بحری تعاون کے فروغ پر تبادلہ خیال کیا۔
جرمنی کے پاکستان میں تعینات سفیر برن ہارڈ شلگہیک آج صبح نیول ہیڈ کوارٹرز اسلام آباد پہنچے جہاں ترجمان پاک بحریہ کے مطابق جرمن سفیر کی چیف آف دی نیول اسٹاف ایڈمرل محمد امجد خان نیازی سے ملاقات اور باہمی دلچسپی کے امور پر تبادلہ خیال کیا۔ نیول چیف اور معزز مہمان نے میری ٹائم سیکیورٹی صورتحال اور دوطرفہ بحری تعاون کے فروغ پر بھی بات چیت کی۔
