خضدار (نامہ نگار) ڈسٹرکٹ پولیس آفیسر ارباب امجد کاسی نے کہا کہ ترقی اور ارتقاء  میں تعلیم کو اساسی اہمیت حاصل رہی ہے کیونکہ یہ ایک اٹل حقیقت ہے کہ زندگی کے تمام شعبہ جات کی راہ گزر تعلیمی اداروں سے ہوکر ہی گزرتی ہے۔اسی لئے یہ انتہائی ضروری ہے تعلیمی ادارے کی نہ صرف عمارت بہتر ہو بلکہ سکول کے اساتذہ ،پرنسپل اور دیگر سٹاف تربیت یافتہ، اعلیٰ تعلیم یافتہ ،تجربہ کار مشفق اور اعلیٰ اوصاف کا حامل ہوں۔