بھارتیوں کی نفرت کی انتہا، نیوزی لینڈ کیخلاف میچ میں پاکستان مخالف نعرے بازی

لاہور(سپورٹس ڈیسک ) بھارتی شہر کانپور میں بھارت اور نیوزی لینڈ کے درمیان کھیلے جارہے ٹیسٹ میچ میں بھارتی تماشائیوں نے پاکستان سے نفرت کی انتہا کردی اور کھیل کے دوران نعرے بازی کی۔کانپور کے گرین پارک سٹیڈیم میں کھیلے جارہے ٹیسٹ میچ کی ایک ویڈیو سوشل میڈیا پر وائرل ہے جس میں بھارتی ٹیم کی بیٹنگ کے دوران جہاں کمنٹیٹر اپنے تبصروں پرمصروف ہیں وہیں بیک گراؤنڈ پر بھارت کے حق میں اور پاکستان کے خلاف نعرے بازی کی آوازیں گونج رہی ہیں۔سٹیڈیم میں موجود تماشائی ’پاکستان مردہ باد‘ کے نعرے لگارہے ہیں جنہیں ویڈیو میں سنا جاسکتا ہے۔