سندھ زرعی یونیورسٹی،داخلہ فارم جمع کرانے کی تاریخ میں توسیع

ٹنڈوجام(پ ر) سندھ زرعی یونیورسٹی نے انڈر گریجویٹ ڈگری پروگرام کے تحت نئے داخلہ درخواست فارم جمع کرانے اور انٹری ٹیسٹ کی تاریخ میں توسیع کردی ہے، داخلہ کے خواہشمند امیدوار 16 دسمبر تک داخلہ کے لیے آن لائن درخواست فارم جمع کراسکتے ہیں۔ تفصیلات کے مطابق سندھ زرعی یونیورسٹی ٹنڈوجام کے ڈائریکٹر ایڈمیشنز کی جانب سے جاری کردہ اعلامیہ کے مطابق زرعی یونیورسٹی میں داخلے کے خواہشمند امیدواروں کو زیادہ سے زیادہ داخلے کے مواقع فراہم کرنے کے لیے یونیورسٹی کی پانچوں فیکلٹیز، انفارمیشن ٹیکنالوجی سینٹر، انسٹی ٹیوٹ آف فوڈ سائنسز اور ٹیکنالوجیز، متعلقہ ذیلی کیمپسز عمرکوٹ، شہید ذوالفقار علی بھٹو زرعی کالج ڈوکری و خیرپور کالج آف ایگریکلچرل انجینئرنگ اینڈ ٹیکنالوجی میں تعلیمی سال 23-2022 کے لیے بیچلر ڈگری پروگرام میں داخلے کے لیے 16 دسمبر تک توسیع کر دی گئی ہے۔ جبکہ انٹری ٹیسٹ کی تاریخ میں بھی تبدیلی کی گئی ہے، اب انٹری ٹیسٹ 25 دسمبر کو پبلک سکول لطیف آباد میں ہوگا۔