لاہور(سپورٹس رپورٹر)پاکستان سائیکلنگ فیڈریشن کے زیر اہتمام 67 ویں تین روزہ نیشنل ٹریک سائیکلنگ چیمپئن شپ آج سے لاہور میں شروع ہوگی۔ ان خیالات کا اظہار پاکستان سائیکلنگ فیڈریشن کے صدر سید اظہر علی شاہ، سیکرٹری معظم خان نے پریس کانفرنس کرتے ہوئے کیا۔ ان کا کہنا تھا کہ چیمپئن شپ کی تمام تیاریاں مکمل ہیں۔ 9 ٹیمیں حصہ لینگی جس میں چاروں صوبوں کے علاوہ گلگت بلتستان، اسلام آباد سمیت ڈیپارٹمنٹس شامل ہیں۔  ایک سو سے زائد مود و خواتین سائیکلسٹ ان ایکشن ہونگی۔ سیکرٹری معظم خان کا کہنا تھا کہ افتتاحی تقریب کے مہمان خصوصی گورنر پنجاب ‘ اختتامی تقریب میں وفاقی وزیر بین الالصوبائی رابطہ کمیٹی ہونگے۔ فیڈریشن کی کوششوں کا نتیجہ ہے کہ پاکستان کے سائیکلسٹ ورلڈ اور ایشیا میں پاکستان کی نمائندگی کر رہے ہیں۔ایونٹ سے نئے ٹیلنٹ کا انتخاب کیا جائیگا۔