فٹبال ورلڈ کپ : دوربین میں شراب چھپا کر گراؤنڈ میں داخل ہونے والامیکسیکن شہری پکڑا گیا

لاہور(سپورٹس رپورٹر) قطر میں جاری فیفا ورلڈ کپ 2022 میں میچ کے دوران دوربین میں شراب چھپا کر گراؤنڈ میں داخل ہونے کی کوشش کرنے والا شخص پکڑا گیا۔ گراؤنڈ کے داخلی راستے پر سکیورٹی اہلکار میچ دیکھنے کیلئے آئے میکسیکن شہری سے تفتیش کر رہے ہیں۔میکسیکن شہری کے ہاتھ میں دوربین تھی۔ اس نے سکیورٹی اہلکاروں کو بتایا کہ دوربین میں سینیٹائزر لے جا رہا ہوں۔جب سکیورٹی اہلکاروں نے اسے کھول کر دیکھا تو اس میں سے شراب کی چھوٹی بوتل برآمد ہوئی۔
 معلوم نہیں ہو سکا کہ انتظامیہ نے میکسیکن شہری کے خلاف کیا کارروائی کی۔