لاہور (نیوز رپورٹر) پاکستان مرکزی مسلم لیگ کے صدر خالد مسعود سندھو نے کہا ہے کہ ملک کے تین تین بار وزیراعظم رہنے والے ابھی بھی یہ خواہش کررہے ہیں کہ اگر ہمیں حکومت ملے تو ہم پاکستان کو بہتر کریں گے۔ جو پہلے 3 باریوں میں کچھ نہ کرسکے تو اب کونسا نیا معرکہ سرانجام دیں گے۔  ان خیالات کا اظہار انہوں نے مرکزی سیکرٹریٹ سے جاری بیان میں کیا۔ خالد مسعود سندھو کا کہنا تھا کہ سابقہ وزیراعظم نے خود ساختہ جلاوطنی کاٹ کر دوسروں کو موردالزام ٹھہرا رہے ہیں۔ سابقہ حکومتوں کو چاہیے کہ وہ اپنے گریبان میں جھانک کر دیکھیں قوم ان سے شدید مایوس ہوچکی ہے۔ آزمائے ہوئے لوگوں کو دوبارہ آزمانہ ملک و قوم سے دشمنی کے مترادف ہے۔