قلعہ دیدار سنگھ(نمائندہ خصوصی)سابق معاون خصوصی وزیر اعظم و اْمیدوار این اے 77چوہدری عطاء اللہ تارڑ، اْمیدوار پی پی 70حاجی امان اللہ وڑائچ،سٹی صدر مسلم لیگ(ن)قلعہ دیدار سنگھ چوہدری عاطف سلیم گل نے کہا ہے کہ مسلم لیگ(ن)آنے والے انتخابات میں مکمل تیار ہے۔ہماری قیادت نے ہمیشہ عوام کے دوٹوں کی طاقت سے تمام منفی ہتھکنڈوں کا مقابلہ کیا۔ قائد مسلم لیگ(ن)میاں محمد نواز شریف ملک وقوم کی خدمت کا جذبہ رکھتے ہیں وہ اپنی سیاسی بصیرت سے سیاسی نفرت،تعصب،لڑائی،کشیدگی اور گالم گلوچ سے آلودہ ماحول کو پاکیزہ بنائیں گے اور انتشار کی سیاست ختم کرکے اتفاق و اتحاد سے ملک و قوم کو موجودہ بحرانوں سے نکالیں گے۔ان خیالات کا اظہار انہوں نے نمائندہ نوائے وقت گروپ کے نمائندہ ‘‘حسیب پندھیر’’سے دوران گفتگو میں کیا۔انہوں نے کہا مسلم لیگ(ن) ترقی کی ضامن جماعت،آئندہ عام انتخابات میں عوام مسلم لیگ(ن)کی کامیابی کے لئے بھر پور کردار اداکریں گے۔