یو اے ای کے سفیر کو ڈاکٹریٹ کی اعزازی ڈگری سے نواز دیا گیا

اسلام آباد(خبرنگار)متحدہ عرب امارات کے سفیر حماد عبید ابراہیم سالم الزابی کو ڈاکٹریٹ کی اعزازی ڈگری سے نواز دیا گیا گورنر پنجاب چانسلر جامعہ محمد بلیغ الرحمن نے انسٹیٹیوٹ آف آرٹ اینڈ کلچر کے سپیشل کانووکیشن میں متحدہ عرب امارات کے سفیر حماد عبید ابراہیم سالم الزابی کو پی ایچ ڈی کی اعزازی ڈگری سے نوازا ہے متحدہ عرب امارات کے سفیر کو پاکستان اور یو اے ای کے درمیان دو طرفہ تعلقات بالخصوص تجارتی تعلقات کے فروغ میں قابل قدر خدمات کے اعزاز میں اعزازی ڈگری دی گئی ہے۔گورنر پنجاب نے یو اے ای کے سفیر کو پی ایچ ڈی کی اعزازی ڈگری ملنے پر مبارکباد دی۔ تقریب میں وائس چانسلر انسٹیٹیوٹ آف آرٹ اینڈ کلچر، فیصل جنجوعہ، پرو وائس چانسلر اعجاز اے قریشی، ممبر سینیٹ انسٹیٹیوٹ آف آرٹ اینڈ کلچر، عمران مسعود، پاکستان کی پہلی خلا باز خاتون نمیرہ سلیم ، اساتذہ اور طلبہ و طالبات کی ایک بڑی تعداد موجود تھی۔