لاہور(نامہ نگار)ڈولفن سکواڈ ٹیم نے تھانہ قائد اعظم انڈسٹریل سٹیٹ کے علاقے میں خاتون سے پرس چھیننے والا ملزم گرفتار کر لیا ہے۔ تھانہ قائداعظم انڈسٹریل سٹیٹ کے علاقے ہمدرد چوک کے قریب ڈولفن ٹیم نے خاتون سے پرس چھیننے والے ملزم شکیل کو رنگے ہاتھوں گرفتار کرکے اس کے قبضے سے چھینا گیا موبائل، پرس، ہزاروں روپے نقدی اور موٹر سائیکل برآمد کرلی۔ ملزم شکیل تھانہ قائد اعظم انڈسٹریل سٹیٹ پولیس کے حوالے کر دیاگیا ہے۔