لاہور (سپورٹس رپورٹر )آئی سی سی انٹرنیشنل ٹی 20ورلڈکپ کوالیفائر میں نائیجیریا نے آئیوری کوسٹ کو 264 رنز سے بڑی شکست دیدی۔سب ریجنل افریقا کوالیفائر کا پانچواں میچ گروپ سی کی ٹیموں نائیجیریا اور آئیوری کوسٹ کے درمیان نائیجیرین شہر لاگوس میں کھیلا گیا جہاں نائیجیریا نے ٹاس جیت کر پہلے بیٹنگ کا فیصلہ کیا۔تاہم لاگوس میں کھیلے جانیوالے ٹی 20 انٹرنیشنل میں کسی بھی ٹیم نے سب سے کم سکور کا نیا ریکارڈ بنا ڈالا۔ نائیجیریا کیخلاف آئیوری کوسٹ کی ٹیم صرف 7 رن بنا کر آئوٹ ہوگئی اور آئیوری کوسٹ کے 7 بیٹرز ایک بھی رن نہ بنا سکے۔ نائیجیریا نے مقررہ 20 اوورز میں 4 وکٹ پر 271رنز بنائے تھے جس میں سلیم 112 رنز بناکر نمایاں رہے۔جواب میں آئیوری کوسٹ کی پوری ٹیم آٹھویں اوور میں محض 7رنز پر ڈھیر ہوگئی۔