گوجرانوالہ:چیف ایگزیکٹو گیپکو کل 11بجے آن لائن کچہری کا انعقاد کریں گے

گوجرانوالہ( نمائندہ خصوصی)گوجرانوالہ الیکٹرک پاور کمپنی (گیپکو) کے چیف ایگزیکٹو انجینئرمحمد ایوب 27نومبر بروزبدھ گیپکو ہیڈ کوارٹر میںدن 11بجے آن لائن کچہری کا انعقاد کریں گے۔ اس موقع پرچیف ایگزیکٹو گیپکوفیس بُک پربراہ راست صارفین کی بجلی سے متعلقہ شکایات سنیں گے اور اُن کے حل کیلئے موقع پر احکامات بھی جاری کریں گے۔وزارتِ توانائی (پاور ڈویژن) کی ہدایات کی روشنی میں ڈیجیٹل ٹیکنالوجی کا بھرپور فائدہ اُٹھاتے ہوئے صارفین کے بجلی سے متعلقہ مسائل کے اُن کی دہلیز پر حل کیلئے چیف ایگزیکٹوانجینئر محمد ایوب فیس بُک پر لائیو صارفین سے رابطہ کریں گے اور اُن کی شکایات کے فوری ازالہ کو ممکن بنائیں گے۔صارفین آن لائن کچہری میں بجلی سے متعلقہ اپنی شکایات کے اندراج کیلئے27نومبر بروزبدھ گیپکو کے آفیشل فیس بُک اکائونٹ پردن  11بجے براہ راست رابطہ کر سکتے ہیں۔