ریاض (نوائے وقت رپورٹ) سعودی عرب کے مختلف علاقوں میں موسلادھار بارش سے نظام زندگی معطل ہو گئے۔ مکہ مکرمہ‘ طائف‘ سبیل کبیر اور دیگر علاقوں میں موسلادھار بارش ہو گئی۔ مکہ مکرمہ اور طائف میں سڑکیں زیرآب آ گئیں۔ انڈر پاس احتیاطاً بند کر دیئے گئے ہیں۔ سعودی عرب کے کئی دوسرے علاقوں میں آج تک گرج چمک کے ساتھ بارش کی پیش گوئی کی گئی ہے۔ ریاض‘ فقیم‘ حائل‘ حدود اشمالیہ‘ الشرفیہ‘ بامہ اور عیر میں بھی بارش کی پیش گوئی ہے۔ سعودی محکمہ تعلیم نے مجابل‘ عیسر‘ جال اسمع اور مکہ ریجن کے علاقے القلاۃ میں سکول بند کرنے کی ہدایت کی ہے۔ منگل کو سکولوں میںتعلیم آن لائن پورٹل کے ذریعے ہو گی۔