شیخوپورہ (نمائندہ خصوصی) تھانہ صدر کے علاقہ کرلکے میں دیرینہ دشمنی کی بناء پر مخالفین نے فائرنگ کر کے 3 افراد کو قتل جبکہ ان کے ساتھی کو شدید زخمی کر دیا، جسے تشویشناک حالت پر میو ہسپتال لاہور ریفر کر دیا گیا۔ تفصیلات کے مطابق علی رضا اور طارق وغیرہ کی دشمنی تھی۔ گذشتہ روز علی رضا وغیرہ نے طارق وغیرہ پر فائرنگ کر دی جس کے نتیجہ میں طارق، اس کی ہمشیرہ عشرت بی بی اور ایک بچہ اذان علی موقع پر ہی جاں بحق ہو گئے جبکہ ان کا والد 50 سالہ عبدالحمید شدید زخمی ہو گیا جسے فوری طور پر ڈی ایچ کیو ہسپتال لایا گیا مگر حالت تشویشناک ہونے کی بناء پر اسے میو ہسپتال لاہور ریفر کر دیا گیا۔ پولیس نے نعشوں کو قبضہ میں لیکر پوسٹمارٹم کے بعد ورثاء کے حوالے کر کے قانونی کارروائی شروع کر دی۔