ابراہیم حیدری تھانے کے علاقے علی اکبر گوٹھہ میں مسلح افراد نے نیا آباد گلی نمبر سولہ میں فائرنگ کر کے ابوبکر نامی نوجوان کو ہلاک کردیا ۔ فائرنگ سے رشید، قاسم، عبدالمالک، نورالاسلام اور سعید زخمی ہوئے ۔مقتول ابوبکر کی دو ماہ قبل شادی ہوئی تھی اور وہ درزی کا کام کرتا تھا ۔ تھانہ عزیز آباد کے علاقے بلاک تین میں نامعلوم افراد کی فائرنگ سے بائیس سالہ نوجوان ہلاک ہو گیا، سرجانی کے علاقے سیکٹر ایل ون میں پولٹری فارم کے قریب سے نوجوان کی تشدد زدہ بوری بند لاش برآمد ہوئی جبکہ تھانہ بوٹ بیسن کے علاقے سے پولیس اہلکار کی لاش ملی ۔ شاہراہ فیصل پر کیبل آپریٹر خرم کو فائرنگ کر کے زخمی کر دیا گیا، زمان ٹاؤن پولیس نے ایک درجن سے زائد قتل کی وارداتوں میں ملوث دو ملزمان وسیم عرف چٹا اور علی رضا کو گرفتار کر کے نائن ایم ایم پستول برآمد کر لی ہے ۔