دبئی میں کھیلےجارہے دوسرے ٹیسٹ میں سری لنکا کی ٹیم نے ٹاس جیت کر پہلے بیٹنگ کا فیصلہ کیا جو بہتر ثابت نہ ہوسکا۔ میچ کے آغاز میں ہی سری لنکن اوپنرتھریمانے ایک سکور بنا کرعمر گل کی گیند پر مصباح الحق کے ہاتھوں کیچ آؤٹ ہوگئے۔ سری لنکن ٹیم کی دوسری وکٹ پراناویتانا کی گری جو صرف چھ سکور بنا کر عمر گل کے ہاتھوں پویلین لوٹ گئے، سری لنکن ٹیم کی مشکلات میں اس وقت اضافہ ہوگیا جب ان کے مایہ ناز بیٹسمین جے وردھنے سات کے انفرادی سکور پر عمر گل کا شکار بن گئے۔ پاکستانی باؤلر جنید خان نے عمرگل کا ساتھ دیتے ہوئے کپتان تلکا رتنے دلشان اورمیتھیوز کی وکٹ لی۔ اس طرح کھانے کے وقفے تک سری لنکا کی آدھی ٹیم اٹھہتر رنز پر آؤٹ ہوگئی۔ اس وقت کریز پر کمارسنگاکارا اورکوشل سلوا کے ساتھ موجود ہیں۔