واشنگٹن (آن لائن) امریکی ریاست لاس اینجلس میں مسلح افراد کی فائرنگ سے دو افراد ہلاک اور پانچ زخمی ہوگئے ۔ غیر ملکی خبررساں ادارے کے مطابق پولیس نے بتایا ہے کہ یہ واقعہ ڈونئی کے علاقے میں اس وقت پیش آیا جب مسلح افراد نے ایک گھر پر فائرنگ شروع کردی جس کے نتیجے میں دو افراد موقع پر ہلاک جبکہ پانچ زخمی ہوگئے پولیس نے جائے وقوعہ کے قریب سے بھاگتے ہوئے ایک مشکوک شخص کو گرفتار کرنے کا دعویٰ کیا ہے ۔