مالے (آن لائن) مالدیپ کے نائب صدر احمد ادیب کو صدرعبداللہ یامین کے قتل کی منصوبہ بندی میں ملوث ہونے کے الزام میں گرفتار کرلیا گیا۔ غیر ملکی خبررساں ادارے کے مطابق مالدیپ کے نائب صدر احمد ادیب کو صدر عبداللہ یامین کے قتل کی منصوبہ بندی میں ملوث ہونے کے الزام میں گرفتار کرلیا گیا۔ مالدیپ کے وزیر داخلہ عمر نصیر کے مطابق نائب صدر احمد ادیب کو حراست میں لے کر ان پر سنگین بغاوت کا الزام عائد کیا گیا ہے جب کہ نائب صدر کی گرفتاری کے بعد کسی بھی قسم کے ممکنہ درعمل سے بچنے کے لیے دارالحکومت مالی میں سکیورٹی سخت کر دی گئی ہے۔ واضح رہے کہ گزشتہ ماہ کشتی میں دھماکے کے نتیجے میں مالدیپ کے صدر عبداللہ یامین اور ان کی اہلیہ سمیت 3 افراد زخمی ہوگئے تھے۔
مالدیپ