باسط علی کو قومی ویمن کرکٹ ٹیم کا کوچ بنانے کا فیصلہ

لاہور(سپورٹس رپورٹر+نمائندہ سپورٹس) سابق ٹیسٹ کرکٹر باسط علی کو قومی ویمن کرکٹ ٹیم کی کوچنگ سونپنے کا فیصلہ کرلیا گیا۔ذرائع کے مطابق پی سی بی کی جانب سے محتشم رشید کو قومی ویمن کرکٹ ٹیم کی کوچنگ کے عہدے سے ہٹانے کا فیصلہ کر لیا گیا ہے اور ان کی جگہ قومی جونیئر سلیکشن کمیٹی کے سربراہ سابق ٹیسٹ کرکٹر باسط علی کو یہ ذمہ داری سونپنے کا فیصلہ کیا گیا ہے، ذرائع کا کہنا ہے کہ نیوزی لینڈ کیخلاف سیریز میں باسط علی جائیں گے‘ر صرف پی سی بی چیئرمین کی منظوری کا انتظار ہے چیئرمین پی سی بی شہریار خان منظوری کے بعد باسط علی کو ویمن ٹیم کا کوچ مقرر کرنے کا نوٹیفکیشن جاری کردیا جائیگا۔