اسلام آباد(وقائع نگار خصوصی )تحریک لبیک یا رسول اللہؐ کا کاروانِ ختم نبوت تحریک کے مرکزی سربراہ ڈاکٹرمحمد اشرف آصف جلالی کی قیادت میں روالپنڈی پہنچنے پر ٹی چوک میں علماء و مشائخ کی ایک بڑی تعداد نے اور غازی ممتاز قادری شہید کے والد گرامی ملک محمد بشیر اعوان اور انکے برادر گرامی ملک دلپذیر اعوان اورڈاکٹر ظفرا قبال جلالی نے استقبال کیا۔خیبر پختون خواہ سے صوبائی رہنما مولانا محمد بابر قادری اور آزاد کشمیر کے کارکنان صاحبزادہ محمد اعجاز مصطفوی کی قیادت میں راولپنڈی پہنچے۔کاروان میں مرکزی رہنما پیر سیدمحمد نوید الحسن مشہدی سجادہ نشین آستانہ عالیہ بھکی شریف ،غازی محمد ثاقب شکیل جلالی ودیگر نے شرکت کی۔