انضمام جیسا پرفارم کروں تو زیادہ خوشی ہو گی : امام الحق

لاہور(نمائندہ سپورٹس )سری لنکا کے خلاف ڈبیو میچ میں سنچری بنانے والے اوپنر امام الحق پاکستان پہنچ گئے۔ امام الحق غیر ملکی ائیر لائن کے ذریعے رات گئے دبئی سے لاہور پہنچے۔ائیرپورٹ پر صحافیوں سے گفتگو کرتے ہوئے امام الحق کا کہنا تھا کہ یہ سب کچھ والدین کی دعاوں کا نتیجہ ہے۔ ڈیبیو میچ میں سنچری سکور کرنے پر بہت خوش ہوں اور کوشش ہو گی کہ مستقبل میں بھی ایسی پرفارمنس دکھاوں۔انہوںنے کہا کہ انضمام الحق کی طرح رنز کروں تو اس سے زیادہ اور خوشی کیا ہوسکتی ہے ‘ان کے رن آئوٹ ہونے کی طرف نہیں سوچنا ‘ان کی سنچریوں کی بدولت قومی ٹیم جیتا کرتی تھی ‘رن آئوٹ ہونے کا دکھ نہیں رہتا ‘رنز بنیں توپچ پر رننگ بھی ٹھیک ہوجاتی ہے ۔