ابو ظہبی(آئی این پی)آسٹریلیا کے خلاف پہلے میچ میں کامیابی کے بعد پاکستان نے آئی سی سی ٹی ٹوئنٹی رینکنگ میں اپنی پوزیشن کو مستحکم کرلیا۔ آسٹریلین ٹیم اگلے دو میچوں میں کامیابی کے بعد دوسری پوزیشن کی حقدار ہوسکتی ہے۔پاکستان اور آسٹریلیا کے درمیان متحدہ عرب امارات میں کھیلی جارہی تین ٹی ٹوئنٹی میچوں کی سیریز کا پہلا میچ سرفراز الیون کے نام رہا۔ اس کامیابی سے آئی سی سی ٹی ٹوئنٹی رینکنگ میں پاکستان کی پہلی پوزیشن مستحکم ہوگئی ہے۔ اب سیریز کے بقیہ دومیچوں میں ناکامی بھی پاکستان کو پہلی پوزیشن سے محروم نہیں کرسکتی۔ آسٹریلین ٹیم اگلے دو میچز میں کامیابی حاصل کرکے تیسری سے دوسری پوزیشن اپنے نام کراسکتی ہے۔