پاکستانی ویمنز ٹیم کو ٹی ٹونٹی میں شکست

لاہور(سپورٹس رپورٹر+نمائندہ سپورٹس)ملائشیا میں پاکستانی ویمنز ٹیم کی ناکامیوں کا سلسلہ دراز ہوگیا، ون ڈے سیریز کے بعد پہلے ٹی ٹونٹی میں بھی کینگروز خواتین نے شکست دے دی۔آسٹریلوی ٹیم نے پہلے بیٹنگ کرتے ہوئے تین وکٹوں پر ایک سو پچانوے رنز بنائے، جواب میں پاکستانی ٹیم مقررہ اوورز میں سات وکٹوں پر 137 رنز ہی بناسکی۔دونوں ٹیمیں دوسرے ٹی ٹونٹی میں کل ٹکرائیں گی۔