مظفر گڑھ (صباح نیوز) مظفر گڑھ میں پٹرول سے بھرا آئل ٹینکر الٹ گیا ۔ تفصیلات کے مطابق مظفر گڑھ میں ڈیرہ غازی خان روڈ پر چوک قریشی کے قریب موڑ کاٹتے ہوئے آئل ٹینکر الٹ گیا۔ٹینکر الٹنے کا واقعہ پیش آنے کی اطلاع ملتے ہی ریسکیو اور پولیس کی ٹیمیں موقع پر پہنچ گئیں۔ریسکیو حکام کے مطابق آئل ٹینکر میں 48 ہزار لیٹر پٹرول موجود  تھاجو   لیکیج کے باعث  بہہ گیا ۔حادثے کی جگہ کو ٹریفک کے لیے بند کر دیا گیا ۔