پاکستان کرکٹ ٹیم کی جتنی تعریف کی جائے کم ہے : کپل دیو

ممبئی (آئی این پی) بھارتی کرکٹ ٹیم کے سابق کپتان کپل دیو نے کہا ہے کہ پاکستان ٹیم نے میچ کو یکطرفہ بنا دیا، جتنی تعریف کی جائے کم ہے۔یہ بات انہوں نے ٹی ٹوئنٹی ورلڈکپ کے سب سے بڑے میچ میں پاکستان کے ہاتھوں بھارت کی عبرتناک شکست کے بعد بھارتی میڈیا سے گفتگو کرتے ہوئے کہی۔انہوں نے کہا کہ پاکستان کی ٹی ٹوئنٹی کرکٹ ٹیم نے ثابت کردیا کہ وہ ایک خطرناک ٹیم ہے اور کسی بھی وقت دنیا کی کسی بھی ٹیم کو شکست دے سکتی ہے۔کپل دیو کا کہنا تھا کہ پاکستان کی جتنی تعریف کی جائے کم ہے، پاکستانی ٹیم نے اپنی قابلیت سے میچ کو یکطرفہ بنا دیا تھا، پاکستان نے بہترین کرکٹ کھیلی،152رنزکم نہیں ہوتے۔سابق بھارتی کپتان کا مزید کہنا تھا کہ پاکستان کیدونوں اوپنرز سکون سے کھیلے، اس میں کوئی دو رائے نہیں پاکستان نے میچ آسانی سے جیتا۔