شمالی کوریا جوہری تجربات بند، مذکرات شروع کرے : امریکہ 

واشنگٹن(اے پی پی) شمالی کوریا کے لیے امریکہ کے خصوصی نمائندے سنگ کمِ نیکہا کہ ہمارا ہدف جزیرہ نما کوریا  میں جوہری ہتھیاروں پرمکمل طورپر روک لگانا ہے   یہی وجہ ہے کہ شمالی کوریا  کی طرف سے بیلسٹک میزائل کا حالیہ تجربہ جو گزشتہ6ہفتوں کے دوران اس طرح کے کئی تجربات میں سے ایک تھا تشویش کا باعث ہے اور جزیرہ نما کوریا میں دیرپا امن کے قیام کی راہ میں منفی اثرات مرتب کر سکتا ہے۔جرمن نشریاتی ادارے کے مطابق انہوں نے میڈیا سے گفتگو  کرتے ہوئے  کہاکہ  ہم عوامی شمالی  کوریا کے ساتھ کسی پیشگی شرط کے بغیر بات چیت کے لیے تیار ہیں اور ہم نے یہ واضح کردیا ہے کہ شمالی کوریا کے لیے  امریکہ کا کسی طرح کا مخاصمانہ رویہ نہیں ہے۔شمالی کوریا نے گزشتہ ہفتہ آبدوز سے داغے جانے والے ایک نئے بیلسٹک میزائل کا تجربہ کیا تھا جو اس طرح کے ہتھیاروں کے تجربات کے سلسلے کی پانچویں کڑی تھی۔ جنوبی کوریا کے حکام نے کہا تھا کہ یہ ہتھیار بظاہر ابھی ابتدائی مراحل میں ہے۔ آبدوزوں سے داغے جانے والے میزائلوں کا پہلے سے پتہ لگانا کافی مشکل ہوتا ہے۔