گوادر میںپی سی بی انٹر کلب چمپیئن شپ شروع

گوادر ( بیورورپورٹ ) سٹی کرکٹ ایسوسی ایشن گوادر کی جانب سے سینیٹر محمد اسحاق کرکٹ سٹیڈیم میں پی سی بی انٹر کلب چمپیئن شپ کرکٹ ٹورنامنٹ  شروع ہوگیا۔ ٹورنامنٹ کا افتتاح گوادر پورٹ اتھارٹی کے چیئرمین نصیر خان کاشانی نے گیند کو ھٹ لگاکر کیا بعد ازاں مہمان خاص کا دونوں کلبوں کے ساتھ  تعارف کرایا گیا۔ اس موقع پر خطاب کرتے  ہوئے چیئرمین گوادر پورٹ اتھارٹی نصیر خان کاشانی نے کہاکہ کرکٹ میچ پاکستان کی پہچان ہے۔ نوجوان اس گیم کو انجوائے کرکے کھیلیں اور اپنے اور اپنے علاقے کا نام روشن کریں۔ گوادر ٹیلنٹ سے مالا مال ہے۔ صحت مند جسم کے لیے  اس طرح کی ایکیویٹیہونا لازمی ہے اور مثبت سرگرمیوں کو سپورٹ کرنے کی ضرورت ہے۔ اس موقع پر کرنل عمران عباس، گوادر ڈویلپمنٹ اتھارٹی کے آفیسر ظفر اقبال، گوادر چیمبر آف کامرس کے صدر ناگمان عبدل، سابق صدر حاجی عبدالباسط، بی این پی کے مرکزی رہنما و چیئرمین سعید فیض ایڈووکیٹ، ڈسٹرکٹ کرکٹ ایسوسی ایشن کے سابق صدر حاجی حنیف حسین، سٹی کرکٹ ایسوسی ایشن کے صدر زاہد سعید، ممبر استاد اصغر،کوچ صابر حیاتان، سابق کرکٹر الہی بخش شعیب سمیت مختلف سکولوں کے طالب علم اور شائقین کی بڑی تعداد موجود تھی۔