اواگاڈوگو(اے پی پی)برکینا فاسو میں دہشت گرد وں کے فوجی اڈے پر حملے  کے نتیجے میں 10  اہلکار ہلاک  اور 50 کے قریب زخمی ہو گئے۔ چینی خبررساں ادارے  نے  برکینیائی فوج  کے بیان کے حوالے سے بتایا کہ پیر کو شمالی علاقے جیبو میں ایک فوجی اڈے پر دہشت گرد حملے  کے نتیجے میں 10 فوجی ہلاک  اور 50 کے قریب زخمی ہو گئے، جیبو کی 14ویں کمبائنڈ آرمز رجمنٹ کو دہشت گردوں نے نشانہ بنایا ۔ انہوں نے  کہا کہ سرچ آپریشن کے دوران کم از کم 18 دہشت گردوں کی لاشیں ملی ہیں۔ واضح رہے کہ برکینا فاسو میں 2015 کے بعد  دہشتگرد حملوں میں 1,000 سے زیادہ افراد ہلاک اور 1.9 ملین سے زیادہ بے گھر ہو چکے ہیں۔
برکینیا فاسو حملہ