پولیس کے مایہ ناز سپوت کھیلوں کی دنیا میں بھی کامیابی کے جھنڈے گاڑ رہے ہیں:سی سی پی او 

لاہور(نامہ نگار)سی سی پی او لاہور غلام محمود ڈوگرنے کہا ہے کہ لاہور پولیس کے مایہ ناز سپوت شہریوں کی جان و مال کی حفاظت کے ساتھ کھیلوں کی دنیا میں بھی کامیابی کے جھنڈے گاڑ رہے ہیں۔لاہور پولیس کے سابق ایس ایچ سب انسپکٹر وقاص ظفر نے کرغستان میں منعقد ہونے والی ورلڈ سٹرینتھ لفٹنگ اینڈ انکلائن بینچ پریس چیمپئن شپ میں چاندی کا تمغہ جےتا ہے۔ غلام محمود ڈوگر نے لاہور پولیس اور ملک کا نام روشن کرنے پرفاتح کھلاڑی کو اپنے دفتر بلا لیا۔ سلور میڈل ونر سب انسپکٹر وقاص ظفر نے کیپٹل سٹی پولیس ہیڈکوارٹرز میں سربراہ لاہور پولیس غلام محمود ڈوگر سے ملاقات کی۔ غلام محمود ڈوگر نے عالمی چیمپئن شپ میں نمایاں کارکردگی کا مظاہرہ کرنے اور چاندی کا تمغہ جیتنے پر سب انسپکٹر وقاص ظفر کو مبارکباد دی۔ سی سی پی او لاہور نے وقاص ظفر کو لاہور پولیس کی طرف سے تعریفی سند( سی سی-ون) اور نقد انعام سے نوازا۔ عالمی چیمپئن شپ کے سلور میڈل فاتح سب انسپکٹر وقاص ظفر نے حوصلہ افزائی پر سی سی پی او غلام محمود ڈوگر کا شکریہ ادا کیا۔کرغستان میں ہونے والی ورلڈ سٹرینتھ لفٹنگ اینڈ انکلائن بینچ پریس چیمپئن شپ میں قومی ٹیم نے مجموعی طور پر 19 میڈلز جیتے۔سب انسپکٹر وقاص ظفر نے میڈل جیتنے کے ساتھ پاکستانی کھلاڑیوں کے دستے کے ٹیکنیکل آفیشل کی ذمہ داریاں بھی نبھائیں۔