آج 2میچ ہونگے ‘ڈیرل مچل کی  نیوزی لینڈ سکواڈ میںواپسی کا امکان 

لاہور(سپورٹس رپورٹر)آسٹریلیا میں جاری ٹی ٹونٹی ورلڈ کپ میں آج دو میچ کھیلے جائیں گے ۔ پہلا میچ انگلینڈ اور آئرلینڈ کی ٹیموں کے درمیان صبح نوبجے میلبورن میں شروع ہوگا۔ دوسرا میچ نیوزی لینڈ اورافغانستان کی ٹیموںکے درمیان دوپہر ایک بجے میلبورن میںہی کھیلا جائیگا۔ نیوزی لینڈ کرکٹ ٹیم میں بیٹر ڈیرل مچل کی واپسی کا امکان ہے۔
نیوزی لینڈ کرکٹ نے کہاہے کہ ڈیرل مچل فٹنس مسائل سے دوچار ہیں، انہوں نے آسٹریلیا کے خلاف پہلا میچ نہیں کھیلا تھا۔ڈیرل مچل نے پاکستان اور بنگلادیش کےخلاف تین ملکی سیریز کے میچز بھی نہیں کھیلے تھے۔