چکلالہ ، بوستان خان روڈ پر راستے کے تنازعے پر فائرنگ ، لڑکا جاں بحق 

راولپنڈی (اپنے سٹاف رپورٹر سے) چکلالہ کے علاقے بوستان خان روڈ پر راستے کے تنازعے پر فائرنگ سے لڑکا جاں بحق ہوگیا ایک شخص شدید زخمی ہوگیا ریسکیو 1122کے مطابق اطلاع دی گئی کہ زمین پر قبضہ کرکے گھر کا راستہ بند کیا جارہا ہے جس کے دوران فائرنگ کردی گئی اس میں 16 سالہ لڑکا محمد دانش قتل کردیا گیا جبکہ 32 سالہ لیاقت شدید زخمی ہوگیا تھانہ ائر پورٹ پولیس جائے وقوعہ پہنچ گئی مقتول لڑکے کی نعش ڈسٹرکٹ ہیڈ کوارٹر ہسپتال پہنچا دی گئی جبکہ زخمی کو طبی امداد کیلئے بینظیر بھٹو ہسپتال منتقل کر دیا گیا ابتدائی تفتیش کے مطابق راستہ بند کروانے پر فائرنگ کی گئی پولیس مزید تفتیش کر رہی ہے۔