اسلا م آبا د (خصوصی نامہ نگار)چین میں پاکستانی سفیر معین الحق نے کہاہے کہ ہم اس سال پیلس میوزیم میں پاکستان میں گندھارا آرٹ پر ایک انتہائی اہم نمائش کا آغاز کریں گے۔تفصیلا ت کے مطا بق چائنہ اکنامک نیٹ سے گفتگو کر تے ہوئے انہو ں نے کہا کہ سیاحت اور ثقافتی صنعتوں میں چین پاکستان تعاون کی بڑی صلاحیت پر زور دیتے ہوئے، سفیر نے سی ای این کو بتایا کہ دونوں ملکوں کے درمیان سرگرمیوں کی ایک فہرست کا اشتراک کیا گیا ہے، انہوں نے مزید کہا کہ ان تقریبات میں ثقافتی نمائشیں اورٹور آپریٹرز کے ذریعے چین کے دورے شامل ہوں گے۔چین اور پاکستان کے درمیان فروری کے مشترکہ بیان میں گندھارا آرٹ کی نمائش کا ذکر بھی کیا گیا ہے۔ فریقین دونوں ملکوں کے ورثے اور نوادرات کے تحفظ اور پیش کش کے لیے تعاون کو مزید وسعت دیں گے۔حالیہ برسوں میں چین اور پاکستان نے سیاحت اور ثقافتی صنعتوں میں تعاون کو بڑھایا ہے۔مثال کے طور پر، دو پاکستانی اینی میٹڈ فلمیں گزشتہ سال چینی سینما گھروں میں آئیں، جس میں دی ڈونکی کنگ چین میں بہترین کارکردگی دکھانے والی پاکستانی فلم ثابت ہوئی،اسی سال دوطرفہ سیاحتی تبادلوں کو مزید فروغ دینے کے لیے سیاحتی تعاون پر ایک مفاہمت نامے پر دستخط کیے گئے۔
معین الحق