نیشنل بینک شعبہ اسپورٹس کے سربراہ کامران خالد نے ورلڈاسنوکر چمپئن شپ کیلئے جاری تربیتی کیمپ کا دورہ کیا 

کراچی (اسپورٹس رپورٹر) نیشنل بینک شعبہ اسپورٹس کے سربراہ کامران خالدکا نیشنل بینک اسپورٹس کلب  میں جاری ورلڈ سنوکر چیمپئن شپ 2022 کیلئے جاری تربیتی کیمپ میں قومی کیوئسٹس سابقہ ورلڈنمبر 2 محمدسجاد جن کا تعلق نیشنل بینک سے ہے، ایشین گولڈ مڈلسٹ حارث طاہر،بابرمیسح اور دفائی چمپئین احسن رمضان کی حوصلہ افزائی کے لئے کیمپ کا دورہ کیا اس موقع پرکامران خالد نے کہاکہ انشائ￿  اللہ تعالیٰ پاکستان دوبارہ ورلڈچیمپئن بنے گا اورتمام قومی کیوئسٹس اپنے کھیل کا بہترین مظاہر ہ پیش کرینگے اس موقع پر پاکستان بلیئرڈز اینڈ اسنوکر ایسوسی ایشن کے ترجمان نوید کپاڈیہ کے لئے بھی نیک خیالات کا اظہار کیا۔واضح رہے کہ ورلڈا سنوکر چیمپئن شپ 2022 میں حصہ لینے کے لئے پاکستانی کیوئسٹس انطالیہ، ترکی جائینگے۔