لاہور ( خصوصی نامہ نگار)منہاج یونیورسٹی لاہور کے زیر اہتمام 6 ویں دو روزہ”انٹرنیشنل ورلڈریلیجنز کانفرنس“28 اور 29اکتوبر کو منعقد ہو گی۔بین الاقوامی کانفرنس میں برطانیہ، امریکہ، آسٹریلیا، ملائشیا،انڈیا،اٹلی اور نیپال سمیت دیگر ممالک کی ممتاز یونیورسٹیز کے سکالرز،پروفیسرز اپنے اپنے تحقیقی مقالہ جات پیش کریں گے۔ڈپٹی چیئرمین بورڈ آف گورنرز منہاج یونیورسٹی پروفسیر ڈاکٹر حسین محی الدین قادری دو روزہ کانفرنس کی صدارت کریں گے۔28اکتوبر کو دو روزہ کانفرنس کی افتتاحی تقریب کے مہمان خصوصی معروف شاعر،ادیب اور وفاقی وزیر سیاحت سید وصی شاہ ہوں گے۔