لاہور (سپورٹس رپورٹر)سابق کپتان اور سٹار آل راﺅنڈر شاہد آفریدی بھی کپتان بابر اعظم کی کپتانی پر ناراضگی کا اظہار کرتے ہوئے پھٹ پڑے ۔ جب کوئی کھلاڑی باﺅنڈری لائن پر کھڑے ہونے کے باوجود گیم میں نہ ہو، چھپنے کی کوشش کرے، مثبت اور اچھا نہ سوچے تو ایسی ہی چیزیں سامنے آتی ہیں، ایسا لگتا ہے جیسے ہم معجزوں کے منتظر ہیں تاہم معجزے بہادروں کے ساتھ ہوتے ہیں۔ معجزے ایسے لوگوں کے ساتھ ہوتے ہیں جو لڑنا جانتے ہوں۔ ٹیم کیلئے ایک کپتان ہی سب کچھ ہے۔ اگر کپتان جان لگائے گا فیلڈنگ میں ڈائیو مارے گا اوور کے بعد لڑکوں کو جمع کرے گا تو ساری ٹیم متحرک ہو جاتی ہے کیونکہ سب کو پتا ہے کپتان جان لگا رہا ہے۔