لاہور (سپورٹس رپورٹر) انٹر ڈویژن نیشنل باسکٹ بال چیمپیئن شپ میں دفاعی چیمپیئن فیصل آباد کو اپ سیٹ شکست کا سامنا۔ اسلام آباد بھی پشاور کو شکست دیکر فائنل میں پہنچ گیا۔ فیڈرل باسکٹ بال ایسوسی ایشن کے زیر نگرانی پاکستان سپورٹس کمپلیکس اسلام آباد میں جاری چیمپیئن شپ کے سیمی فائنل میچز کو پاکستان باسکٹ بال فیڈریشن کے سیکرٹری جنرل خالد بشیر، فیڈرل باسکٹ بال ایسوسی ایشن کے سیکرٹری جنرل اوج ظہور، پاکستان سپورٹس بورڈ کے ڈپٹی ڈاریکٹر جنرل سعید اختر سمیت بڑی تعداد میں شایقین نے دیکھا۔