لاہور (سپورٹس رپورٹر) لاہور پولو کلب کے زیراہتمام لاہور سمارٹ سٹی پولو ان پنک 2023ءمیں 4 اہم میچز کھیلے گئے۔ میچز دیکھنے کیلئے تماشائیوں اور فیملیز کی ایک بڑی تعداد موجود تھی۔ اس موقع پر لاہور پولو کلب کے صدر اعظم نون، ایگزیکٹو کمیٹی ممبرز اور فیملیز کی بڑی تعداد موجود تھی۔ پہلے میچ میں زیڈ ایس پولو نے دی نور پور بندوست کی ٹیم کو 11.5-4 سے ہرا دیا۔ دوسرے میچ میں انتہائی سنسنی خیز مقابلے کے بعد لاہور سمارٹ سٹی نے آخری لمحات میں ماسٹر پینٹس کی ٹیم کو 6-5.5 سے ہرا دیا۔ تیسرے میچ میں ڈی ایس پولو /شیخو سٹیل کی ٹیم نے بلیک ہارس پینٹس کی ٹیم کو 7-5.5 سے ہرا دیا۔