لاہور(سپورٹس رپورٹر)پاکستان کرکٹ کے سب سے بڑے فرسٹ کلاس ٹورنامنٹ قائداعظم ٹرافی کا آج سے آغاز ہورہا ہے جس میں سولہ ریجنز کی اٹھارہ ٹیمیں میدان میں اتریں گی۔ کراچی ریجن وائٹس ٹائٹل کے دفاع کی پیش قدمی چارسدہ میں پشاور ریجن کیخلاف میچ سے کریگی۔ قائداعظم ٹرافی کی مجموعی انعامی رقم ایک کروڑ چھبیس لاکھ روپے ہے۔ 75لاکھ روپے فاتح ٹیم کیلئے رکھے گئے ہیں جبکہ رنرز اپ ٹیم 40  لاکھ روپے کی حقدار ہوگی۔