ننکانہ صاحب (نامہ نگار) جانور پر تشدد کا ایک اور کیس سامنے آگیا، ننکانہ صاحب میں غریب خاتون کے بچھڑے پر بے رحمانہ تشدد کی ویڈیو سوشل میڈیا پر وائرل ہوئی ،بچھڑے کو تشدد کر کے معذور کرنے والے ملزم کو گرفتار کر لیا گیا۔ تفصیلات کے مطابق گائوں مدومیں دولت بی بی کا بچھڑا جاوید اقبال کے کھیت میں داخل ہوا تو بے رحم زمیندار نے ڈنڈے سے بچھڑے پر بے رحمانہ تشدد کیا ،تشدد سے بچھڑا معذور ہوگیا اور چلنے کے قابل نہ رہا ویڈیو سوشل میڈیا پر وائرل ہوئی تو پولیس تھانہ سیدوالہ نے مقدمہ درج کر کے ملزم جاوید اقبال کوگرفتار کرلیا ۔