پاکستان سنی تحریک کل یوم سیاہ منائے گی: شاداب رضا

گوجرانوالہ(نمائندہ خصوصی)سربراہ پاکستان سنی تحریک محمد شاداب رضا نقشبندی نے کہاہے کہ مہنگائی نے غریب عوام کا جینا دشوار کر دیا ہے ۔ قوم کو نان ایشوزپرالجھانے کی بجائے حکومت بجلی، گیس اورپٹرول کی قیمتوں میں کمی کرے۔ تنخواہ داروں پر سے ناجائز ٹیکس ہٹا کر جاگیرداروں پر ٹیکس لگایا جائے۔ حالیہ ایس سی او سربراہی کانفرنس میں کشمیراور فلسطین کازپر گفتگو نہ کرنا افسوسناک ہے۔ فلسطین کے حق کے لیے آواز اٹھانا پوری امت کا فرض ہے۔