بہاول پور (خبر نگار) مطیع اﷲ ہاکی سٹیڈیم میں جاری ساتویں آل پاکستان فلڈ لائٹ ہاکی ٹورنامنٹ میں تیسرے روز تین میچ کھیلے گئے پولیس نے رحیم یار خان کو ہرایاپاکستان پولیس اور رحیم یارخان کے مابین پہلے میچ کے اٹھارویں منٹ پر پولیس کے عامر شہزاد نے پہلا گول کیا۔ دوسرے ہاف کے چوتھے منٹ پر شہریار علی نے دوسرا آٹھویں منٹ پر عدنان نے تیسرا دسویں منٹ پر کامران نے چوتھا گول کیا جبکہ رحیم یارخان کی ٹیم کوئی گول نہ کر سکی۔ مہمان خصوصی اولمپئین مطیع اﷲ خان تھے۔ دوسرا میچ فلائنگ ہارس اور کراچی سٹی کے درمیان کھیلا گیا ۔ کراچی کے نوجوان کھلاڑیوں نے پروفیشنل کھلاڑیوں کا ڈٹ کر مقابلہ کیا تاہم دونوں ٹیمیں برابر قرار پائیں۔ فلائنگ ہارس کی طرف سے فرحان اور کراچی سٹی کی طرف سے علی عمران ے ایک ایک گول کیا۔ مہمان خصوصی اسسٹنٹ ڈائریکٹر پی آئی اے ہدایت اﷲ خان تھے۔ ٹورنامنٹ کا تیسرا میچ انٹرنیشنل الیون اور حیدر آباد کی ٹیموں کے مابین کھیلا گیا جو ایک اچھے مقابلے کے بعد انٹرنیشنل الیون نے تین ایک سے جیت لیا۔ آج دو میچ کھیلے جائیں گے پہلا میچ پاکستان آرمی بمقابلہ حیدر آباد دوسرا میچ پاکستان واپڈا بمقابلہ رحیم یارخان ہوگا۔ دونوں میچوں میں انٹرنیشنل کھلاڑی شامل ہونگے۔