آج سے سکولوں کے اوقات صبح نو سے سہہ پہر تین بجے تک ہونگے جبکہ سکولوں کا یونفیارم بھی تبدیل کر دیا گیا ہے اوراب ہاف بازو کی شرٹ اور نیکر پہننے کی اجازت نہیں ہوگی جبکہ سکولوں میں تین بجے کے بعد کسی قسم کے کھیلوں کا انعقاد بھی نہیں کیا جا سکے گا۔ ذرائع کے مطابق تیس فیصد سکولوں نے ڈینگی سے بچاؤ کے اقدامات نہیں کیئے اور نہ ہی انہوں نے مچھر مار ادویات کا چھڑکاؤ کیا ہے۔ آج ایک مرتبہ پھرتمام سکولوں کا معائنہ کیا جائے گا اور ڈی سی او لاہور حفاظتی اقدامات کرنے والے سکولوں کو کلیئرنس سرٹفیکٹ دیں گے، جن سکولوں نے ڈینگی سے بچاؤ کے اقدامات نہیں کیئے انہیں کھولنے کی اجازت نہیں دی جائے گی۔ پانچ سو پندرہ سکولوں کو چھٹیوں کے دوران تدریسی عمل جاری رکھنے سمیت حکومت پنجاب کی ہدایات پر عمل نہ کرنے پر شوکاز نوٹس جاری کیے گئے ہیں جبکہ اٹھارہ سکولوں کی رجسٹریشن بھی منسوخ کردی گئی ہے۔