گردونواح کی سڑکوں کی تعمیرومرمت کرائیں

مکرمی! آپ کے مؤقر روزنامہ کی وساطت سے وزیراعلی پنجاب شہباز شریف سے اپیل ہے کہ بے شک پل اور نالے تعمیر ہو رہے ہیں مگر جو سڑکوں پر چلنے والے عوام اور ٹریفک کا برا حال ہے کم از کم سڑکیں تو ٹھیک کرائیں جگہ جگہ کھڈے اور ٹوٹی ہوئی سڑکیں جن پر ٹریفک اور عام آدمی کا چلنا دشوار ہو گیا ہے۔ حادثات کی بھرمار ہو رہی ہے۔ ہر طرف مٹی ہی مٹی ہے گردوغبار اور دھوئیں سے لوگ بیمار ہو رہے ہیں۔ کلین لاہور کا منصوبہ ہونے کے باوجود صفائی کا ابتر حال ہے۔ لوگ طرح طرح کی بیماریوں کا شکار ہو رہے ہیں۔ ادویات مہنگی سے مہنگی ہوتی جا رہی ہیں۔ بڑے بڑے میڈیکل سٹور کھل رہے ہیں ادویات خریدنا لوگ کے بس سے باہر ہو رہا ہے۔ خدارا عوام پر رحم کریں اور لوگوں کو ان تکلیفوں سے نجات دلائیں اور ذہنی سکون پہنچائیں۔ اس افراتفری کے دور میں کوئی تو بنیادی سہولت عوام کو فراہم کی جائے اور سڑکوں کی مرمت وتعمیر کرائیں تاکہ لوگوں کو آنے جانے میں آسانی ہو۔ (علیم بٹ، سہیل بٹ، نعیم، عامر، یوسف شیخ، ندیم اور متعدد افراد کے دستخط،مسلم کالونی بسطامی روڈ سمن آباد، لاہور)