اسلام آباد (آئی این پی) تھانہ سبزی منڈی کے سامنے پنجاب پولیس اہلکاروں میں جھگڑا،  لاتوں ،گھونسوں کے آزادانہ استعمال سے 3 اہلکار زخمی، ہسپتال منتقل۔ تفصیلات کے مطابق جمعرات کو تھانہ سبزی منڈی میں واش روم جانے کے معاملے پر پنجاب پولیس کے اہلکار آپس میں جھگڑ پڑے۔ ذرائع کے مطابق اہلکاروں نے لڑائی میں لاتوں، گھونسوں کا آزادانہ استعمال کیا جس سے تین پنجاب پولیس کے اہلکار زخمی ہو گئے ۔ تھانہ سبزی منڈی کی پولیس نے اہلکاروں کو الگ کیا اور زخمی پولیس اہلکاروں کو طبی امداد کیلئے ہولی فیملی ہسپتال منتقل کر دیا۔ ترجمان وفاقی پولیس کے مطابق تینوں اہلکاروں کو معمولی زخم آئے ہیں۔