واشنگٹن (نوائے وقت رپورٹ + آئی این پی) امریکہ: شادی کی تقریب میں مشرف کا اہلیہ کے ساتھ رقص‘ ویڈیو سوشل میڈیا پر وائرل ہو گئی ے۔ نجی ٹی وی کے مطابق پرویزمشرف کی اہلیہ صہبا مشرف نے بھی ان کے ساتھ رقص کیا۔ کمانڈو نے اہلیہ کے ساتھ ”شکر ونڈا رے“ پر خوبصورت ڈانس کیا اور خوب داد وصول کی۔ آئی این پی کے مطابق کمر کی تکلیف کے باعث علاج کیلئے بیرون ملک مقیم پرویز مشرف کے نجی تقریب کے دوران ”شکر ونڈا رے“ پر اہلیہ کے ہمراہ رقص کی ویڈیو سوشل میڈیا پر وائرل ہوگئی۔ عوام کی جانب سے ملے جلے تاثرات کا اظہار۔ چند ایک نے ان کے رقص پر داد تحسین دیا تو چند کا کہنا تھا ”پرویز مشرف کمر درد کے علاج کا نیا طریقہ سکھا رہے ہیں۔“ ویڈیو میںسابق صدر براﺅن کلر کی قمیض اور سفید شلوار کے ساتھ گلے میں دوپٹہ ڈالے خوشی میں اپنی اہلیہ کے ساتھ جھوم رہے ہیں۔ 73 سالہ سابق صدر کے حامیوں نے ان کیلئے نیک خواہشات کا اظہار کرتے ہوئے کہا ہے آپ صدا سلامت اور صحت مند رہیں۔
مشرف/ ڈانس