کراچی(اسپورٹس رپورٹر)ڈی اے ماڈل اسکول فیزفور،حبیب گرلز اسکول ،سٹی اسکولدرخشاںکیمپس اور کراچی گرامراسکول نے کولیگن گرلز وانٹر اسکول سب جونیئر،جونیئر ،سینئر اور یو نیورسٹی لیول تھروبال ٹورنامنٹ کے کوارٹر فائنل میں جگہ بنالی۔سندھ تھروبال ایسوسی ایشن کے زیر اہتمام سٹی اسکول پی اے ایف چیپٹر میں ٹورنامنٹ کاافتتاح مہمان خصوصی سٹی اسکول پی اے ایف چیپٹر کے پرنسپل سائمن گیلیسن نے کیا۔ پاکستان تھروبال فیڈریشن کے سیکریٹری مقبول آرائیں ،،سینئر نائب صدر جعفر علی شاہ،کراچی تھروبال کے چیئر مین عدنان وہرہ،عدنان ترین،ارشد خان ،ثمن انور،سندھ تھروبال ویمنز ونگ کی صدر درخشاں احسان،رسمینہ سلطان،عائشہ رزاق،کرن وہرہ اور دیگر بھی موجود تھے۔پہلے روز کھیلے گئے میچوں میں سب جونیئر کیٹیگری میں دی اے ماڈل فیز فور نے آغا خان ایس ایم ایس کریم آباد کو2-0سے ،سٹی اسکول درخشاں کیمپس نے سی جے ایم اسکول کو2-0سے مات دی ،جونیئر گروپ ،او لیول اور میٹرک گروپ میں سی جے ایم اسکول نے جنریشنز اسکول کو،شاہ ولایت نے ناصرہ اسکول کو مات دی جبکہ سی جے ایم اور کراچی اسکول نے بھی اپنے میچوں میں کامیابی سمیٹی ،اس کیٹیگری میں سی جے ایم ،جنریشنز اسکول ،شاہ ولایت اور کراچی اسکول نے کوارٹر فائنل کے لئے کوالیفائی کر لیا ،سینئر اے لیول میں سیڈر کالج نے جنریشنز اسکول کو ،لیثم اسکول نے بیکن ہائوس کو ،نکسر کالج نے روٹس کالج کو اور ہیڈ سٹارٹ اسکول نے الفا کالج کو شکست دی،یونیورسٹی لیول میں ضیا الدین نے آئی بی اے کو ،این ٹی اے اکیڈمی نے گرین وچ یو نیورسٹی کو ،اقرا نے این ای ڈی کو اور حبیب یو نیورسٹی نے ضیا الدین بی کو زیر کیا۔ایونٹ میں 32ٹیمیں شرکت کر رہی ہیں۔