پاکستان‘ بھارت میچ کے دوران ہاتھوں میں سگار پکڑے پرویز مشرف کی تصویر وائرل

لاہور(سپورٹس رپورٹر+نمائندہ سپورٹس) ایشیا کپ کرکٹ ٹورنامنٹ میں پاکستان بھارت میچ کے دوران سابق صدر پرویز مشرف کی تصویر سوشل میڈیا پر وائرل ہوگئی۔۔ایشیا کپ کے سپر 4 مرحلے کے 23 ستمبر کو ہونے والے پاکستان اور بھارت کا اہم میچ دیکھنے سابق صدر پرویز مشرف بھی دبئی کرکٹ سٹیدیم پہنچے تھے۔سابق صدر ہاتھوں میں سگار اور نیلا کوٹ پہنے میچ سے لطف اندوز ہوتے ہوئے دیکھے گئے۔پرویز مشرف نے میچ بھارتی شخصیات کیساتھ بیٹھ کر دیکھا ‘ راجیو شکلا نے میچ دیکھنے کی تصویر سوشل میڈیا پر پوسٹ کی جو کہ تیزی سے سوشل میڈیا پر وائرل ہورہی ہے۔